Aktori Mahershala Ali, i cili ka luajtur në “The Curious Case of Benjamin Button”, “House of Cards” dhe “Moonlight”, foli tek “Mind Power Mixtape” për jetën e tij personale dhe profesionale.
Ai zbuloi pse nuk pranoi të filmonte një skenë erotike me aktoren.
“Agjenti im i vjetër më telefonoi dhe më tha: Mahershala, ti e ke pjesën. Dhe unë thashë; Ka vetëm një gjë, ekziston ajo skena ku ata puthen, nëse ka një skenë seksi, nuk mund ta bëj. Unë nuk bëj seks të simuluar”- ka treguar aktori.
Regjisori David Fincher e mbështeti kërkesën e tij, duke i lënë atij dhe Henson vetëm një puthje në skenë.
“Unë përpiqem të mbaj një hapësirë respekti për fenë time”, përfundoi Ali.
Kujtojmë se Mahershala është aktori i parë mysliman që fitoi një çmim ‘Oscar’ për rolin e tij në “Moonlight” në vitin 2017.
