“Fsheh numrin e viktimave”/ Bardhi: Rama përdor Taulantin për të larguar vemendjen

Partia Demokratike përsërit akuzat ndaj qeverisë për fshehje të numrit të viktimave nga COVID-19, pasi kryedemokrati Lulzim Basha publikoi dokumentin nga morgu i QSUT.

Sekretari i Përgjithshëm i PD, Gazment Bardhi shkruan në Facebook se Rama përdor Taulant Ballën për të larguar vëmendjen e qytetarëve nga skandali i denoncuar nga opozita.

Bardhi i referohet akuzave të Ballës nga Elbasani i cili quajti sulm politik thyerjen e xhamave të dritares së Qendrës Shëndetësore, edhe pse policia njoftoi se autori ka qenë një person i dehur, i cili është shoqëruar në komisariat.

Edhe pse tashmë kemi një denoncim publik nga lideri i opozitës i cili akuzon drejtpërdrejt qeverinë për fshehje të numrit real të viktimave nga koronavirusi, Prokuroria ende nuk ka bërë ende asnjë reagim.

LEXO EDHE  Ne jemi një popull me mentalitet emigranti

Reagimi i Bardhit
Edhe një herë Rama vazhdon të luajë politikisht me jetën e shqiptarëve. Ai dërgoi Taulant Ballen për të krijuar një histori të re të rreme për të sulmuar Lulzim Bashën, sepse ende nuk ka një pergjigje për fshehjen e numrit të vdekjeve të shkaktuara nga pandemia. Edi Rama vetëm po përpiqet të largojë vemendjen e qytetarëve nga vonesa e pajustifikuar në zbardhjen e së vërtetës.

Ne përsërisim thirrjen ndaj prokurorisë të nisë hetimet për fshehjen dhe manipulimin e të dhënave për numrin e të vdekurve nga covid19. Kjo nuk është një çështje politike, por është një çështje thelbesore për të gjithë shqiptarët. Populli shqiptar e ka aftësinë të mos bjerë pre e manipulimeve të Edi Ramës.