Partizani nuk do të ketë të gatshëm disa futbollistë në sfidën ndaj Laçit. Takimi kundër kurbinasve është i vlefshëm për javën e tretë të Kategorisë Superiore dhe do të luhet nesër, në “Elbasan Arena”.
Para kësaj sfide, Daja ka marrë lajme jo të mira, pasi Uilliam Kordeiro dhe Jasir Asani nuk ia kanë dalë të rikuperohen, duke mbetur jashtë për këtë sfidë tepër delikate.
Uilliam Kordeiro Melo ka lënë pas dëmtimin që e la jashtë fushave të blerta në këtë fillim sezoni, por nuk ka arritur të jetë i gatshëm në kohë për takimin ndaj Laçit.
Për sa i përket, Asanit, ndryshe nga Melo, që është stërvitur në palestër, ai ka qenë në stërvitje me pjesën tjetër të grupit, por seanca e tij ka qenë me ritme të ulëta dhe e diferencuar. Madje, Asani nuk kishte të veshura as takat e tij, duke u stërvitur me disa ushtrime aerobike.
