Egzon Belica, ka folur para mediave në prag të ndeshjes që skuadra e Partizani do të zhvillojë ndaj Laçit.
Krah tij ishte edhe trajneri Ilir Daja, i cili u ngacmua nëse ka ndonjë plan për të ndalur sulmuesin e kurbinasve, Kyrian Nwabueze. Me shaka ai u shpreh që të përgjigjet pikërisht Belica.
“Patjetër që është e vështirë. Është një nga sulmuesit më të mirë të Superiores, ishte një nga golashënuesit më të mirë të sezonit të kaluar, por nuk është se është një duel që do të varet vetëm nga lojtarët e mbrojtjes.
Mbrojtja nis nga sulmi dhe sa më mirë të punojnë filtrat e parë dhe të dytë, aq më e lehtë do të jetë edhe për ne mbrojtësit”, u shpreh mbrojtës qendror.
