Partia Demokratike me anë të Sekretarit të Përgjithshëm, Gazment Bardhi, i kërkon kreut të KQZ-së që të nisin implementimin e teknologjisë në zgjedhje.
Bardhi shkruan në letrën e tij se gjatë Këshillit Politik është diskutuar dhe rënë dakord për videomonitorimin e qendrave të votimit.
Por sipas sekretarit të Përgjithshëm të PD-së, kjo gjë deri më tani nuk ka nisur të bëhet nga ana e KQZ-së.
Bardhi kërkon nga kreu i KQZ-së që të miratohen aktet normative dhe fondet për të bërë të mundur këtë proces të rëndësishëm për zgjedhjet e 25 prillit.
