Në prag të një ndeshje mjaft të rëndësishme në Serie A, si ajo ndaj Napolit ditën e diel, te Milani situata nuk është aspak e qetë sa i përket koronavirusit, i cili ka prekur stafin teknik.
Pas trajnerit Pioli, klubi konfirmoi pozitiv edhe zëvendësin e tij Giacomo Murelli dhe në sfidën e fundjavës, kuqezinjtë pritet të kenë në stol ish-mbrojtësin Daniele Bonera.
Megjithatë, edhe pse në një situatë të tillë, sërish trajneri Pioli nuk ka qëndruar pasiv. Edhe pse të mërkurën në Milanello ishin vetëm 10 lojtarë, sërish stërvitja e tyre u ndoq nga trajneri me anë të një droni, i cili filmonte gjatë gjithë kohës stërvitjen.
Në mbyllje të seancës stërvitore, Ibra dhe lojtarët e tjerë rezervuan edhe një përshëndetje speciale për trajnerin e infektuar.
😂 The lads say hello to Pioli, who is watching from home via a drone above Milanello.
📸 @acmilan pic.twitter.com/INQiA6E9Fi
— SempreMilanTV (@SempreMilanTV) November 18, 2020
