Një 47-vjeçar është arrestuar nga policia e Tiranës, në bazë të një urdhër-ndalimi të firmosur nga Gjykata e Posaçme.
Burime zyrtare nga policia bënë me dije se B.M., 47 vjeç u vu në pranga në një aksion nga Sektori i Operacionales, në bashkëpunim me Komisariatin e Policisë 4.
Ndaj tij, Gjykata e Posaçme e Shkallës së Parë Kundër Korrupsionit dhe Krimit të Organizuar, ka caktuar masën e sigurimit personal ”Arrest në burg”, për veprat penale ”Marrëdhënie seksuale ose homoseksuale me dhunë me të mitur”, kryer në bashkëpunim, ”Shtrëngimi me anë të kanosjes ose dhunës për dhënien e pasurisë” dhe ”Grupi strukturuar kriminal”.
