Konfirmohet në detyrë shefi i SHÇBA-së, Muhamet Rrumbullaku

Komisioni i Jashtëm i Vlerësimit konfirmoi sot në detyrë drejtorin e SHÇBA-së, Muhamet Rrumbullaku.

Në seancën dëgjimore që u zhvillua të martën u diskutua dhe për foton ku ai dhe disa eksponentë të tjerë të dikasterit blu u shfaqën me vrasësin e kryekomisarit Dritan Lamaj, Arben Frroku.

Lidhur me të, Rrumbullaku tha se është bërë në vitin 2011 dhe pretendoi se ka qenë më kolegët dhe me pas ka ardhur Frroku.

Për këtë çështje Komisioni i Jashtëm i Vlerësimit ka kërkuar informacion edhe nga SPAK, Prokuroria e Përgjithshme dhe Policia e Shtetit, të cilat i kanë çuar të dhëna, që konfirmojnë se takimi ka qenë rastësor dhe se nuk ka asnjë dokumentacion, përveç fotos, që vërteton se ka njohje apo kontakte me Frrokun.

Një tjetër pikë që u fokusua Komisioni ishin 8 denoncime për aftësitë profesionale për të cilat trupa vlerësuese konkludoi se janë të pavërtetuara.

LEXO EDHE  E shtunë e zezë/ 19 viktima në Shqipëri në 24 orët e fundit! Ja qytetet

Nga trupa u shqyrtua pasuria, aftësitë profesionale, dhe pastërtia e figurës rezultoi se ai ka në pronësi një apartament 1+1, dhe më bashkëpronar i një vile 4 katëshe si dhe kursime prej 800 mijë lekësh, për të cilat rezultoi se janë me burime të ligjshme.

Në sitë Komisioni kaloi dhe llogaritë bankare të bashkëshortes, apo bizneset në emër të djalit të tij, të cilat rezultuan po ashtu të ligjshme dhe të deklaruara në deklaratën vetting.

Ajo që ra në sy ishte fakti i ndryshimit të automjeteve të shumta, duke kryer shitblerje të shpeshta pas vitit 2000, për të cilat Rrumbullaku tha se janë kryer me qëllim rinovimin dhe jo përfitim monetar.

Pas konfirmimit të tij në detyrë, Rrumbullaku do të jetë kreu i vettingut ndër forcat e rendit.