Një 33-vjeçar është arrestuar nga policia e Durrësit për veprën penale “Armëmbajtja pa leje”.
Në mjetin me të cilin ai lëvizte, janë gjetur 1 automatik, 2 kallëp tritoli, 6 karikator dhe municion luftarak. Sipas policisë, ai do ti shiste kundrejt fitimit.
T.C., 33 vjeç, banues në Durrës, u vu në pranga në kuadër të aksionit të koduar “Kryqëzimi”, e që erdhi në bazë të informacioneve të siguruara në rrugë operative, sqaroi policia e qytetit bregdetar.
Të njëjtat burime bënë me dije se, shërbimet e Policisë, në bazë të informacioneve të siguruara në rrugë operative, kanë ndjekur shtetasin T.C., i cili po lëvizte nga Durrësi në drejtim të Tiranës. Në aksin rrugor Durrës-Tiranë, tek kryqëzimi i Sukthit, kanë ndaluar mjetin tip “Benz” që drejtohej nga ky shtetas.
Gjatë kontrollit të ushtruar në mjetin e tij janë gjetur dhe sekuestruar në cilësinë e provës materiale 1 armë zjarri automatik, 6 karikator, 2 kallëp tritoli dhe municion luftarak, të cilat ky shtetas kishte për qëllim t’i shiste, kundrejt fitimit.
