Italia kalon pa problem Bosnje Hercegovinën, dhe e mbyll në krye të grupit 1 në Ligën A të Nations League.
Kjo do të thotë se tashmë skuadra axurre avancon në fazën finale të Nations League për fitimin e trofeut.
Mjaftuan dy gola të bukur dhe me dy asist perfekt për të marrë 3 pikët në Saravejë kundër një kombëtare që luante vetëm për krenari.
Në pjesën e parë ishte Insigne ai që gjeti perfekt Belottin brenda zone. Sulmuesi i Torinos fluturimthi goditi dhe shënoi golin e avantazhit.
Në pjesën e dytë, një pasim i artë i Locatellit për shokun e ekipit te Sassuolos Berardi, solli golin e dytë. Edhe hedhja e Berardit ishte e bukur, duke gjetur këndin e poshtëm të portës.
Italia fluturon dhe me 3 fitore dhe 3 barazime e mbyll e para në grup!
Nga ana tjetër, Holanda e cila mundi Poloninë 1-2 në transfertë e mbyll këtu aventurën e saj në Nations League teksa renditen pas Italisë.
