Kreu i PAA-së, Agron Duka, një prej aleatëve të kreut demokrat, Lulzim Basha, ka kaluar me sukses përballjen me Covid-19.
Duka në një postim në rrjetet sociale, shprehet se ka kaluar në një formë të lehtë koronavirusin, ndërsa thekson se qytetarët duhet të respektojnë sa më shumë masat.
“Në këtë moment të vështirë për vendin, solidariteti është një vlerat më të rëndësishme, me të cilat duhet përballuar kjo sprovë që ka hapur plot plagë në familje të shumta.
Nuk dua që publikimi i lajmit ditën e sotme të ktheht në burim shqetësimi për askënd. Fatmirësisht, për mua, viruis nuk u kthye në një kërcënim serioz. Tashmë e kalova. Pas karantinimit, testi i fundit rezultoi negativ.
Për mua COVID-19 ishte dicka që kaloi mjaft lehtë, megjithatë e tillë nuk është për shumë bashkëqytetarët tanë, të cilët ndodhen përditët nën kërcënimin e tij. Prandaj duhet të përpiqemi të respektojmë më së miri masat. Sepse me kujdesin tonë mund, të shpëtojmë sa më shumë jetë, duke mbjatur pran nesh ata që duam dhe rrezikohen nga ky virus”, shkruan Duka në rrjetin social.
