KLGJ kualifikon për në Gjykatën e Lartë, Darjel Sinën/ Anëtari i katërt

Këshilli i Lartë Gjyqësor ka kualifikuar, Darjel Sinën, si kandidatin e katërt për gjyqtar në Gjykatën e Lartë.

Sina, i cili ushtron funksionin e Komisionerit Publik, në procesin e Vetting të prokurorëve dhe gjyqtarëve, sipas KLGJ pritet të emërohet në Gjykatën e Lartë, duke e çuar në 4 numrin e anëtarëve të saj.

Në Kushtetutë është parashikuar që kandidati që aplikon për të qenë pjesë e gjykatës supreme duhet të ketë një ekspeciencë prej 15 vitesh.

Në vitin 2003 ai është diplomuar si jurist në Athinë dhe më pas ka vijuar studimet në të njëjtin universitet për master që i ka mbyllur në vitin 2005. Sipas deklaratave të tij dhe CV publike, për një periudhë pothuajse dy vjeçare (data 05.01.2002-31.08.2003) si dhe 02.11.2003-10.08.2005, ka qenë praktikant / ndihmës i avokatit pranë Av. Theodoros Karagiannakos, Avokat në Gjykatën e Apelit në Greqi si dhe i Av. Aristeidis Trigonis, Avokat në Gjykatën e Lartë.

LEXO EDHE  VIDEO/ "Gënjeshtra e Ramës", Tabaku: Shqiptarët do paguajnë për korrupsionin dhe vjedhjet e Qeverisë

Por në të dyja këto eksperienca nuk vërtetohet që ai ka qënë i punësuar duke kryer thjesht praktikën. Sina pritet të zërë vendin e Xhezair Zaganjorit në Gjykatën e Lartë.