Partia Demokratike ka publikuar një tjetër video ku shfaqen të sëmurët që presin në ambulanca, në vend që të trajtohen në spitale.
Oriola Pampuri, ish-deputete e PD, akuzoi Kryeministrin Edi Rama se po monton video imagjinare, ndërsa ka dështuar me pandeminë.
“13 ambulanca prisnin në radhë mesnatën e sotme tek infektivi. Sirenat e tyre janë alarm i dështimit të Edi Ramës me pandeminë. Njerëzit përfundojnë në spital, edhe sepse Instituti i Shëndetit Publik nuk e bën detyrën e vet.
• Teston shumë pak.
• Vonon përgjigjen deri në 10 ditë.
• Nuk teston për të ndërpreë zinxhirin e infektimeve.
#
Menaxhimi i keq, vjedhja edhe në situatë pandemie, na ka sjellë në këtë gjendje , ku njerezit harxhojnë të paktën 100 mijë lekë për një test dhe nuk marrin asnjë rimbursim, vetëm seppse Edi Rama është i paaftë të qeverisë.
Shqiptarët nuk duhet të paguajnë më dështimet e kësaj qeverie dhe të këtijkryeninistri. Duhet ta ndryshojmë këtë gjendje me votë në 25 Prill”, shkruan Pampuri, duke publikuar edhe videon e mëposhtme.
