Një ngjarje e rëndë është regjistruar mëngjesin e kësaj të mërkure në qytetin e Durrësit.
Një i moshuar, i identifikuar si S. P., 73 vjeç, ka ndërruar jetë në ambientet e një lokali.
Sipas policisë, dyshohet se vdekja ka ardhur si pasojë e shkaqeve natyrale, ndërsa i ndjeri ka qenë duke konsumuar kafen.
“Rreth orës 08:20, ka humbur jetën në ambientet e një lokali në lagjen nr. 17, shtetasi S. P., 73 vjeç. Paraprakisht dyshohet se ky shtetas e ka humbur jetën, prej shkaqeve natyrale”, thuhet në njoftimin e Policisë.
Grupi hetimor po punon për të dokumentuar rrethanat e rastit.
