Ulje temperaturash dhe reshje dëbore në zonat malore. Është ky parashikimi i motit për javën që ka nisur, ndërsa fundjava parashikohet me erëra të forta jo vetëm në territor, por edhe në det.
Sipas Meteoalb, reshjet e dëborës priten në zonat malore në ditët në vijim, ndërsa vranësirat do të shoqërojnë javën me shira të izoluar.
“Shpejtësia e erës mund të arrijë në 30-40 km/ore, ndërsa në det deri në 70, duke krijuar probleme”, parashikojnë sinoptikanët.
Parashikimi sipas Meteoalb
Alternime kthjellimesh dhe vranësira kalimtare mbizotërojnë motin në territorin shqiptar gjatë pjesë së parë të ditës. Parashikohet që edhe pasditja të vijojë në të njëjtat kushte atmosferike.
Temperaturat e ajrit rriten lehtë në mëngjes dhe mesditë duke luhatur vlerat ekstremale nga 2°C deri në 20°C.
Era do fryjë mesatare me shpejtësi 35 km/h nga drejtimi Jugor-Juglindor duke krijuar dallgëzim 3 ballë.
Kosova
Mot i freskët por i kthjellët mbizotëron në të gjithë Kosovën gjatë paradites. Pasditja sjellë kalime vranësirash nëpër territor.
Maqedonia e Veriut
Orët e para të ditës mbeten në ndikimin e kthjellimeve dhe vranësirave të lehta. Pasditja sjellë shpeshtim të vranësirave në zonat perëndimore por pa rrezikuar shi.
