Pak orë pas arrestimit nga Policia të autorit të vrasjes së shtetasit shtetasin Ahmet Toska në Fier, familjarët e tij refuzojnë që të japin një prononcim për mediat. Mësohet se autori i dyshuar, Fatmir Hoxhaj është po nga lagjja “Sheq i Madh” në Fier por distanca nga shtëpitë e tyre është rreth 3 kilometra.
Ndërsa arsyet e krimit mbeten ende mister, vëllai i viktimës, Engjëll Toska shprehet jashtë kameras se nuk e njeh autorin e dyshuar, ndërkohë që të njëjtin qendrim mban dhe bashkëshortja e të ndjerit, e cila ka qenë së bashku me Toskën në momentin kur ai u qëllua për vdekj.
Burimet bëjnë me dije se në momentin kur është qëlluar autori ka qenë i veshur sportiv me kapuç dhe me maskë Covidi.
Autori ka ardhur nga mbrapa dhe e ka qëlluar dy herë dhe është larguar pa thënë ndonjë fjalë. Ai ka shtuar se nuk kanë probleme me asnjë, as hasmëri, as punë pronësie.
Mësohet se banesa e autorit ishte e braktisur, e pa pastruar dhe dera e mbyllur. Jetonte prej vitesh në Itali bashkë me familjen. Në lagje pak e njohin mirë, por e përshkruajnë si njeri të qetë, ndërkohë që e gjithë kjo ngjarje është e rrethuar me mister. /Faxnews/
