Kastriot Islami, ish-zv.Kryeministër dhe ish-Kryetar i Parlamentit të parë pluralist, deputet në të gjitha legjislaturat, përveç, asaj 2017-2021, u ndalua nga policia për shkak të mungesës së maskës. Islami u kap nga një patrullë policore, teksa shëtiste te Parku i Liqenit.
Ai u shoqërua në komisiariat ku qëndroi për rreth 1 orë e 30 minuta, pasi nuk kishte një kartë identiteti me vete.
Lidhur me shoqërimin në polici të Islamit ka reaguar ish-ministri i Drejtësisë, Ylli Manjani. Ai ka ironizuar veprimin, ndërsa e konsideron si turp për ata oficerë policie që u përfshinë në një gjest të tillë.
“Me shoqërimin hakmarrës në polici të Kastriot Islamit, virusi mori një goditje të paparë!!!
Turp për ata oficerë policie që përfshihen në gjeste të tilla!”, shkruan Manjani.
