Kosova mundet 2-1 ndaj Sllovenisë, në një ndeshje ku “Dardanët” meritonin më shumë. Vendasit arritën një fitore me përmbysje falë një penalltie në sekondat e fundit të ndeshjes, të realizuar nga futbollisti i Atalantës, Iliçiç.
Muriqi kaloi i pari në avantazh Kosovën në minutën e 57-të. Festa e “Dardanëve” zgjati vetëm 5 minuta, pasi Kurtiç vendosi baraspeshën duke realizuar me finte.
Kur u mendua se sfida do të mbyllej në barazim, gjyqtari në minutën e tretë shtesë akordoi një 11-metërsh, pas një prekje të dyshimtë me dorë të topit nga ana e Fidan Alitit.
Pavarësisht se portieri i Kosovës, e kuptoi krahun, topi shkoi në fundin e rrjetës.
Sfidën e fundit të grupit Kosova, do e luajnë në shtëpi ndaj Moldavisë, ku objektivi i vetëm do të jetë fitorja, për të mos rrezikuar rënien në Ligën D.
