Janë mbyllur katër ndeshjet e orës 20:45 të vlefshme për Ligën A të Nations League.
Kryendeshja e mbrëmjes ishte ajo mes Portugalisë dhe Francës. “Gjelat” triumfuan me rezultatin 0-1 falë golit të Kante-s. Me këtë rezultat, Franca kualifikohet për në finalet e Ligës së Kombeve si kryesuese e grupit 3 edhe pse mbetet edhe 1 ndeshje për tu zhvilluar. Nga ana tjetër Portugalia humbet shansin për të mbrojtur trofeun në këtë kompeticion.
Zhvillime interesante ka pasur edhe në grupin 4 aty ku bëjnë pjesë Gjermania dhe Spanja. Përpara ndeshjeve të sotme, iberikët mbanin kryesimin e grupit por renditja është përmbysur. Fitorja 3-1 e Gjermanisë ndaj Ukrainës dhe barazimi 1-1 i spanjollëve në transfertë kundër Zvicrës, bën që djemtë e Joacjim Low, tashmë të kryesojnë grupin në kuotën e 9-të pikëve.
Skuadra që do të avancojë më tej në këtë grup, vendoset nga ndeshja e fundit, pikërisht mes Spanjës dhe Gjermanisë e cila do të luhet pas 3 ditësh.
Rezultatet e ditës së sotme në Nations league:
