“Një mandat i tretë i Edi Ramës si Kryeministër, fuqizon të djathtën”, u shpreh Besart Kadia, ish-sekretar për Sipërmarrjen e Lirë, pozicion i krijuar në PD nga Lulzim Basha. Aktualisht Kadia është emëruar zv.ministër i Financave në Qeverinë Rama.
Kadia tha se reformat ekonomike të ndjekura nga Qeveria Brisha janv shumë më të mira se ato të aplikuara nga Edi Rama.
Kadia u shpreh se ishte propozuar nga anëtarësia e PD si kandidat për deputet, por ai nuk kishte pranuar.
“Nuk mund të pranoja të isha pjesë e një procesi me 3 mijë emra. Në PD nuk merret vesh se çfarë bëhet, janë 8 apo 9 parti, s’kanë as deputetë as kryebashkiakë. Mendoj se një mandat i tretë i Ramës do i shërbejë reformimit të së djathtës shqiptare”, tha Kadia.
Referuar një vendimi për largimin e tij si anëtar i Këshillit Kombëtar të PD, Kadia tha se askush nuk ia ka komunikuar këtë vendim.
“As Gazmend Bardhi nuk më ka njoftuar, nuk ka zbatuar në fund të fundit një porosi të Lulzim Bashës, nëse vërtet ajo shkresë ekziston”, tha Kadia.
