Një 21 vjeçar është arrestuar pasi në makinën e tij u gjetën dje 3 kg drogë. I arrestuari është I. D., 21 vjeç, me precedent të mëparshëm kriminal.
Sipas policisë, në Sukth-Durrës është ndaluar për verifikim mjeti me drejtues shtetasin I.D., të cilit i është kërkuar leja e lëvizjes, pasi qarkullonte gjatë orës policor, dhe më pas është ushtruar kontroll fizik në mjet për sende të kundërligjshme.
Gjatë kontrollit në mjetin tip “Benz”, shërbimet e Policisë kanë konstatuar një sasi lënde narkotike të dyshuar si kanabis sativa.
Materialet i kaluan Prokurorisë së Rrethit Gjyqësor Durrës, për veprën penale “Prodhimi dhe shitja e narkotikëve, njoftoi policia.
Të njëjtat burime bëjnë me dije se, I.D., 21 vjeç, ka qenë i dënuar në vitin 2018, për veprën penale “Armëmbajtje pa leje”.
