Padyshim që pjesa më emocionuese e miqësores Shqipëri – Kosovë, ishte momenti i himinit tonë kombëtar.
Në momentin që në stadiumin “Elbasan Arena” u dëgjuan fjalët e para të himnit, lojtarët “Dardan” me dorën në zemër filluan të këndonin së bashku me kuqezinjtë (nuk mund të ndodhte ndryshe), duke krijuar një fotografi shumë të bukur për të treguar se në fund vërtet bëhet fjalë për një vëllazërore, pavarësisht nga dëshira për të treguar më të mirën në fushë dhe për të fituar në fund të 90 minutave.
Pjesa e parë mes skuadrave u mbyll 1-0 në favor të kuqezinjve.
