Nga Boldnews.al
Nëse ka për qëllim ta prekë thellë dëshpërimin e një kombi, Rama ia ka arritur.
Nëse dëshiron që të mposhtë edhe grahmën e fundit të dinjitetit të qytetarëve shqiptarë, Rama ia ka arritur, qoftë edhe në një ditë të vetme!
Në Hagë, ish-zëdhënësi i UÇK-së Jakup Krasniqi përballej me akuza monstruzoze për “krime lufte”, nga dosje të stisura nga Ministria e Brendshme serbe, ndërsa në të njëjtën kohë, kryeministri Edi Rama shtrëngonte duart e ish-zëdhësit të Milosheviçit në kohën e masakrave në Kosovë, në vitet 1998-1999, Aleksandër Vuçiç.
Aty fliste për “Minichengenin Ballkanik”, e cila synon që të ketë lëvizje të lirë të mallrave dhe njerëzve në të gjithë rajonin e Ballkanit Perëndimor. Një nismë sa ekonomike aq edhe politike, pasi Serbia do të merrte rolin kryesor në këtë projekt të nisur nga dyshja Rama-Vuçiç. Për më shumë protagonizëm pushtet, për më shumë gjurulldi, kryeministri Rama e ka më të lehtë të bëjë “pakt me djallin” se të mendojë qoftë edhe për një çast interesat kombëtare.
Sot në Hagë janë katër ish-drejtues të lartë të UÇK-së, si Hashim Thaçi, Jakup Krasniqi, Kadri Veseli dhe Rexhep Selimi që po përballen me akuzën e “krimeve të luftës”, por Rama nuk dha një deklaratë të ftohtë kur Aleksandër Vuçiç, i cili ishte Ministër Informacioni në kohën e regjimit gjakatar të Sllovadan Milosheviçit arriti deri në atë pikë sa të mos pranonte masakrën e Reçakut në Kosovë.
Sa “patriot” është Rama mundohet ta “kompensojë” me poture. Ku në çdo përvjetor të Shpalljes së Pavarësië, apo përkujtim të fitores në Luftën e Dytë Botërore, kryeministri ynë nxjerr nga garderobe e fryrë një palë poture dhe pelerinë të zezë. Deri këtu shkon patriotizmi i propagandës, pasi ajo që po i ndodh kombit shqiptar në këto tetë vite është pak të quhet humbje dinjiteti.
Në lojën e çmendurisë politike të Ramës është çështja e detit me Greqinë, është marrja e frymës nga mallrat serbe dhe politika e saj e cila me ndikimin e Ramës do pushtojë tregjet ballkanike. Kjo është e vërteta që ka dhe do ketë pasoja edhe për dekadat në vijim, por në Tiranë propaganda e Rilindjes e shet ndryshe patriotizmin.
Sipas marketingut surreal të qeverisë, Rama është “patriot” sepse mban poture dhe ndonjëherë e kombinon me kollare me simbolet e flamurit tonë kombëtar…
Në qeverinë shqiptare është një zëvendësministër i jashtëm me autorizim ministri shqiptari i Kosovës Gent Cakaj, i cili reagimin më të “madh” për procesin ambsurd ndaj ish-krerëve të UÇK-së e pati në një status në rrjetet sociale dhe më pas rri e ngroh atë kulltuk të rëndë të Ministrisë së Jashtme, pa lobuar diplomatikisht dhe pa dhënë kontribut shtetëror. Ai rri i fshehur pas kryeministrit, apo potureve të tij që herë pas herë i nxjerr nëpër shqipëri në “formë patriotizmi”.
U bë ministër 28 vjeç dhe sot është 29 ky “burrë i shtruar” i diplomacisë sonë, por zëri nuk po i ndihet ndokund, qoftë edhe në mbajtjen e një konference shtypi, për të dënuar krimet serbe në Kosovë, por edhe dhënë një përkrahje veprimtarisë së UÇK-së e cila sot po tentohet të njolloset në Gjykatën e Hagës.
