Kupa e Shqipërisë do t’i rikthejë skuadrat shqiptare në fushë edhe këtë javë. Partizani luan ndaj Apolonisë të enjte në orën 13:30, ndërsa Jasir Asani mund të jetë mungesa e madhe për Dajën. Lojtari nuk është stërvitur dje prej një dëmtimi.
Veç Asanit, çështje te Partizani është edhe Melo. Braziliani I ka dërguar mesazh të koduar trajnerit për minutat e pakëta që ka marrë këtë fillim sezoni, teksa ka postuar foto me ish-trajnerin Sormani.
Duket se skema që ka zgjedhur të përdorë Daja nuk lë shumë hapësira për brazilianin, me të kuqtë që janë të mbingarkuar në repartin e avancuar.