Në lidhje direkte me Syri Tv, mjekja Aurora Dollenberg, nga Gjermania, shpjegoi se çfarë do të ndodhë me vaksinën Anti-Covid, dhe kur pritet që kjo vaksinë të vijë edhe në Shqipëri.
“Faktikisht pritet që në pranverë të vitit 2021, aleanca, Gjermani, Francë, Hollandë, Itali, që kanë kontratë me kompaninë që prodhon këtë vaksinë, ta ketë atë të gatshme për popullatën e saj.
Besoj që për Shqipërinë do të jetë një nga sfidat më të mëdha për ta pasur.
Mos harroni që deri këtu kemi arritur me masa shumë strikte deri te kufizimit të të drejtave të njeriut.
Kur të vijë puna e vaksinës, këto struktura do të tregojnë deficitet e mëdha.
Unë uroj që edhe shqiptarët të futen në ato vende që të marrin vaksinën në kohën e duhur dhe të mos jenë në fund të listës.
Ne, flas edhe në diasporë, jemi bashkë për një qëllim, dhe nuk do na nevojiten tentative veçmas, por duhet të bashkohemi.
Në takimet me institucionet shqiptare, po ta vesh re, ndodh që të shkëmbejmë ide, por pasi merren idetë, këto shkojnë bosh.
Vetëm marrje por ajo asnjëherë dhënie. Pra diaspora të japë, por shteti shqiptar jo.
Shteti shqiptar duhet të tregojë më shumë fisnikëri, sepse në fund të fundit po luhet me jetë njerezish.
Unë mund të them që pandemia i ka lodhur të gjitha shoqëritë”, tha ajo.
