SAD (Çrregullimi Afektiv Sezonal), depresioni sezonal është një çrregullim që nuk duhet të nënvlerësohet.
Jeni i stresuar nga kthimi në punë dhe rutina e zakonshme?
Gjithçka është normale dhe së shpejti do të ktheheni në formë .
Ditët po bëhen më të shkurtra, shiu më i shpeshtë dhe qielli gjithnjë e më shumë gri.
Dhe çfarë pasojash ka e gjithë kjo në psikikën tonë ?
Klima e errët dhe armiqësore na bën të ndjehemi të pambrojtur dhe na detyron të kalojmë më shumë kohë në ambiente të mbyllura, gjë që na bën gjithnjë e më dembelë.
Por cilat janë saktësisht simptomat e depresionit sezonal, tipike për këtë periudhë të veçantë të vitit?!
- Mungesa e stimulimit
- Qëndrimi në shtëpi , larg shoqërisë
- Humbja e energjisë
- Trishtim, nostalgji, keqardhje dhe pendim
- Humor i keq dhe nervozizëm
- Dëshira e zvogëluar për iniciativa
- Ulje e interesit
- Përqendrim i dobët dhe tendencë për të shtyrë planet
- Gjumi i trazuar
Por cilat janë mjetet shëruese për depresionin e vjeshtës?!
Le të fillojmë duke ju dhënë disa sugjerime se si ta përballoni më mirë vjeshtën :
Çohuni herët
Vjeshta stimulon prodhimin e melatoninës, por sigurisht që nuk mund ta kaloni gjithë ditën duke fjetur!
Për t’u zgjuar në kohën e duhur, me kohë për të bërë një mëngjes energjik , përpiquni të shkoni në shtrat në një kohë të rregullt dhe të flini mirë (shiu i vjeshtës do të ndihmojë) .
Bëni yoga
Çdo sport është i mirëpritur, por yoga më shumë se të tjerët, sepse kombinon stërvitjen fizike me meditimin.
Hani shëndetshëm
Një dozë e mirë energjie ka një efekt pozitiv në humorin tuaj.
Si ta gjeni? Duke marrë më shumë vitamina dhe më pak karbohidrate.
Mos harroni të bëni seks
E dimë, ju jeni i zënë këtë muaj por … mos harroni seksin!
Përndryshe rrezikoni të arrini në punë të irrituar çdo ditë dhe të nxitni grindjet e panevojshme.
