Rinovimi i “Selman Stërmasit”, Tirana në kërkim të stadiumit për ndeshjen ndaj Korabit

Tirana do të luaj me Korabin të enjten, ora 13:30, në ndeshjen e vlefshme për raundin e dytë të Kupës së Shqipërisë.

Stadiumi “Selman Stërmasi” aktualisht është në fazën e rinovimit, ndërsa klubi i Tiranës së fundmi ndeshjet i ka luajtur jashtë kryeqytetit.

Ndërkohë për ndeshjen ndaj Korabit, Tirana po sheh dy variante. Bardheblutë mund të shfrytëzojnë stadiumin e Kamzës ose atë të Fushë-Krujës. Ende nuk ka një konfirmim se ku do të luhet ndeshja me Korabin, teksa kujtojmë se dy ndeshjet e kampionatit si pritëse Tirana i zhvilloi në Korçë dhe Pogradec.

LEXO EDHE  VIDEO/ Tifozi i ndërpret aksionin Messit, videoja që po bën xhiron e rrjetit

Pauza e Kombëtares dhe rinisja e sezonit në fundjavën e 21 dhe 22 nëntorit, mund ta gjejnë skuadrën kampione shumë shpejt në shtëpinë e vet.