Ish-kryeministri Sali Berisha, ka folur për zgjedhjet e 25 prillit mbrëmjen e sotme në emisionin “Quo Vadis”, ku theksoi se ka e ka vendosur qarkun se ku do të kandidojë.
Megjithatë, ai preferoi të mos shprehej më tepër, duke shtuar se do ta thotë në një tjetër moment vendin se ku ka vendosur të kandidojë.
“E kam vendosur se ku do kandidoj, është top secret. Do ketë një moment tjetër për ta bërë publik. I kam të programuara, një herë marr vendimin pastaj shpall vendimin”, tha Berisha.
Ai gjithashtu foli edhe për situatën e shkaktuar nga koronavirusi. Ai nënvizoi se shumë zyrtarë socialist kanë shkuar në punë, pavarësisht se kanë dalë pozitivë me koronavirus.
“PD u mor me procesin e kandidaturave, kurse PS s’po bën gjë tjetër vetëm po përhap Covid me takime kovidogjene dhe po e ndihmon përhapjen. Unë kam me dokumente një seri zyratësh të PS kanë shkuar në takime pozitivë me Covid, kjo është e vërtetë, dhe jo një disa raste. Ata tani nuk dinë ç’bëjnë”, tha Berisha.
