Partizani triumfon 0-2 ndaj Kukësit duke e futur ekipin e Skënder Gegës, në krizë rezultatesh.
Takimi i luajtur në “Loro Boriçi” u zhbllokua në minutën e 60’ me anë të Lucas Cardozo, ndërsa më pas ishte Solomon që vulosi suksesin në minutën e 90’.
Kështu Ilir Daja shijoi suksesin e tij të parë në pankinën e Partizanit dhe i jep të kuqve fitoren e parë të sezonit.
Nga ana tjetër, tekniku i verilindorëve, kishte bërë ndryshime në formacion, krahasuar me ndeshjen ndaj Tiranës, por edhe me “të kuqtë”, Kukësi nuk arriti të shprehë cilësitë që ka në letër.
Dy humbje në dy ndeshje për verilindorët ngrenë “këmbanat e alarmit” në ambientet e klubit duke ditur se presidenti i klubit, Safet Gjici është tepër kërkues nga lojtarët dhe stafi teknik.
