U kapën me 2.6 ton kanabis në Mal të Zi. Gjykata jep vendimin ‘arrest me burg’ për Arlind Tabakun dhe Përparim Shurdhin.
Raportohet se Arlind Tabaku është personi i cili ka gjetur magazinën e shoferit të kamionit të Elvis Çallikut, pasi ky i fundit ia ka kërkuar.
Ndërsa Përparim Shurdhi është pronari i magazinës që ia ka dhënë me qira Elvisit. Të dy të akuzuarit si bashkëpunëtorë i mohojnë akuzat ndaj tyre duke thënë se nuk kanë asnjë lidhje me drogën.
Kamioni me targa shqiptare, ishte ngarkuar me fruta perime dhe kishte destinacion Gjermaninë. Tre personat e arrestuar e kanë hapur kamionin brenda magazinës në Lushnje, kanë vendosur lëndën narkotike dhe më pas, mjeti ka vijuar rrugën për në Mal të Zi, pasi me letra ishte tranzit.
Autoritetet e Malit të Zi dyshuan se kamioni mund të ishte hapur në Shqipëri prandaj vendosën ta kontrollonin. Brenda gjetën të paketuar edhe 2.6 ton kanabis.
Një sasi e madhe droge, që tregon se në vendin tonë ka patur kultivim kanabisi, ndryshe nga ajo që pretendon Policia e Shtetit.
Përparim Shurdhi dhe Arlind Tabaku, kanë treguar edhe emrat e bashkëpunëtorëve, por detajet mbahen sekrete nga policia.
LEXO EDHE:
Magazina ku u ngarkua kamioni me 2.6 ton kanabis në Lushnje (FOTO)
