Kryeministri Edi Rama i është kundërpërgjigjur akuzave të presidentit Ilir Meta dhe ish-kryeministrit Sali Berisha, për tradhti kombëtare.
Në një postim në “Twitter”, Rama pyet Berishën dhe Metën se përse kanë votuar pro raportit të Dick Marty në Këshillin e Europës.
Ndërkohë, kreu i mazhorancës nuk kursen ironinë kundrejt kryedemokratit Lulzim Basha. “Lulëzim ke gjë për të thënë apo s’ta lejon sekreti hetimor?”- e pyet Rama.
Risjellim në vëmendje se mbi raportin e Dick Marty, Gjykata Speciale e Hagës ka ngritur aktakuzat për krime lufte dhe krime ndaj njerëzimit kundrejt ish-presidentit Hashim Thaçi, kryetarit të PDK-së, Kadri Veseli, dhe të tjerë udhëheqës të UÇK.
Statusi i plotë i Ramës
Sali pse e votove pro Raportin e Dick Marty në Këshillin e Europes,kur ne e votuam kundër apo doje të mbroje Kosovën nga Hashimi? Po ti Ilir pse e votove pro Raportin e Dick Marty apo s’të pyeti Haxhinasto? Lulëzim ke gjë për të thënë apo s’ta lejon sekreti hetimor?#KrenarpërPS🇦🇱
