Ende nuk ka një fitues nga zgjedhjet presidenciale në Shtetet e Bashkuara, megjithatë kandidati demokrat Joe Biden duket më i favorizuar.
Fokusi është në katër shtete ku po numërohen ende votat me postë. Në Arizona dhe Nevada po udhëheq Biden. Ndërsa në Pensilvani dhe Xhorxhia është në krye Trump.
Në Alaskë, Trump udhëheq bindshëm, ndërsa në Arizona, sipas disa projeksioneve të televizioneve amerikane, fituesi është Biden.
Vëmendja më e madhe, në këto kushte, përqendrohet në Pensilvani, Nevada dhe Xhorixhia, shtet ku Biden ka ngushtuar ndjeshëm rezultatin. Sipas “Fox News”, teksa janë numëruar 99 përqind e votave, Trump udhëheq me vetëm 1 267 vota ndaj Biden në Xhorxhia.
Kujtojmë se kandidatit demokrat i mjafton fitorja vetëm në një katër shtetet e diskutueshme për të fituar zgjedhjet.
Trump, ndërkohë, duhet të fitojë në të katër shtetet e diskutueshme për të qeverisur dhe katër vjet të tjera Shtetet e Bashkuara.
Trump u ankua për “korrupsion dhe mashtrim të jashtëzakonshëm në fletët e votimit me postë”. Presidenti deklaroi se “në fund të fundit, unë mendoj se gjyqtarët do të duhet të vendosin” për rezultatin.
Ndërkohë, Joe Biden tha se njerëzit duhet të qëndrojnë të qetë teksa numërohen votat, duke shtuar se ai “nuk ka dyshim” se do të dalë fitues.
Pjesëmarrja e përgjithshme në këto zgjedhje parashikohet të jetë më e larta në 120 vjet, me 66.9%.
/BN/
