D’Jon Antone, 18 vjeç, u arrestua nga një task forcë në Teksa dhe policia në Grand Prairie pasi dyshohet për vrasjen e aktorit Eddie Hassell në një grabitje më 1 nëntor.
Antone po mbahet në Qendrën e Mbrojtjes Grand Prairie. Detektivët vendosën që grabitja ishte e rastësishme dhe Antone nuk është banor i Grand Prairie. Çështja po i referohet zyrës së Prokurorit të Qarkut Tarrant County.
Kujtojmë që Hassell, 30 vjeç, u vra më 1 nëntor pasi u qëllua disa herë në bllokun 3000 të West Bardin Road në Grand Prairie. Oficerët e policisë iu përgjigjën një raporti të një të shtëne rreth orës 1:50 të mëngjesit, duke lokalizuar Hassell. Pastaj ai u transportua në një spital lokal, ku u shpall i vdekur. Incidenti është ende nën hetim nga policia.
Hassell lindi më 16 korrik 1990, në Corsicana, Teksas. Ai luajti disa role të vogla filmash dhe TV gjatë viteve 2000 dhe 2010, më e rëndësishmja si Clay në filmin e vitit 2010 “The Kids Are All Right”, në të cilin gjithashtu luajti Julianne Moore dhe Mark Ruffalo.
