Pesë shtete do të përcaktojnë se Presidentin e ardhshëm amerikan, ndërsa në votë elektorale, Joe Biden kryeson me 237 kundrejt 213 të Donald Trump.
Por avantazhi i Trump është se kryeson në të 5 shtetet ku luhen 77 vota elektorale.
– Pennsylvania: 20 vota elektorale
– Michigan: 16 vota elektorale
– Georgia: 16 vota elektorale
– North Carolina 15 vota elektorale
– Wisconsin: 10 vota elektorale
Mundësia që Biden të përmbysë rezultatin janë votat e dërguara me postë.
Në total nevojiten 270 vota elektorale për të siguruar fitoren në zgjedhjet presidenciale.
Trump shpreson se epërsia që ka krijuar në të gjitha shtetet e mbetura do të ruhet. Biden e ka shpresën te votat që kanë mbërritur me postë. Shumë demokratë kanë preferuar dërgimin me postë për shkak të pandemisë. Në disa qendra të mëdha banimi numërimi i votave ka proceduar më ngadalë.
“Do të fitojmë”, shkroi Rufus Gifford, zv-menaxheri i fushatës së ish-Zv-Presidentit Biden.
Po Republikanët shpresojnë se nuk do të mjaftojnë për ta përmbysur rezultatin. Në Pennsylvania Trump udhëheq 57%-41%, në Michigan 54%-44%, në North Carolina diferenca është më e ngushtë, por vetëm 6% e votave kanë mbetur pa numëruar.
Georgia do të ishte një çudi nëse nuk fitohet nga Trump.
Më vështirë do të jetë të dalë rezultati në Pennsylvania, ku me vendim gjykate do të priten votat me postë deri të premten.
Në Kongres nuk ka ndryshime drastik. Republikanët kanë shanse që të mbajnë shumicën në Senat, kurse Demokratët në Dhomën e Përfaqësuesve.
