Zgjedhjet në SHBA ndikojnë gjithmonë drejtpërdrejt në tregjet financiare botërore.
Investitorët mendojnë se një fitues i qartë i këtyre zgjedhjeve, do të mundësojë rikthimin e vëmëndjes mbi politikat ekonomike rimëkëmbëse, për të luftuar COVID-19.
Të tre indekset më të mëdha amerikane shënuan rritje 2% në New York. Bursat Europiane gjithashtu shënuan rritje në Londër, Gjermani e Francë.
Shumë analistë në Wall Street parashikojnë një fitore të Biden dhe pritet që demokratët të fitojnë më shumë vende në Kongres. Megjithatë gara vazhdon në shumë nga shtetet vendimtare për këto zgjedhje.
Një fitore e demokratëve do t’i hapte rrugën paketave ndihmuese financiare që do të rrisnin me tej çmimin e aksioneve.
Por një plan afatgjatë do të ishte më i dobishëm për tregjet financiare në këtë moment. Kostoja e lartë e paketave ndihmëse mund të ndikojnë më vonë në bursë.
Në vitin 2016 bursat kudo në botë u tronditën nga fitorja e Trump dhe kjo çoi drejt një shitjeje aksionesh në masë. Por, tregu u stabilizua me shpejtësi, për shkak të politikave të Trump që ulën taksat për shumë individë.
