Pas akuzave të kryetares së LSI Monika Kryemadhi, e cila tha se pronësia e shkollës Sami Frashëri është tjetërsuar dhe se qeveria ndërton për të pastruar paratë e drogës, Kryeministri Edi Rama ka artikuluar një seri akuzash në drejtim të saj.
Ndërsa i ka cilësuar shpifje dhe gënjeshtra të ulëta akuzat e Kryemadhit, Rama theksoi se dokumentacioni i shkollës është i publikuar.
Sipas tij, akuzat e Kryemadhit janë njëlloj si ato që thotë se “Covidi nuk e zë LSI” dhe se shpifjet e gënjeshtrat e Monikës, Saliut dhe Ilirit kanë gjetur terrenin e duhur për ti thënë ato ndërsa sipas tij Lulzim Basha nuk e ka kuptuar këtë.
“Është një betejë e përditshme për të mos lejuar që faktet të bëhen si avujt e rakisë presidenciale. Për fat të keq jetojmë në një kohë kur faktet janë viktimë e rrjeteve sociale, e volumit marramendës të informacionit të paverifikuar, e shpërndarjes së qëllimshme të shpifjeve dhe gënjeshtrave dhe për fat të keq Monika, Iliri, Saliu janë absolutisht në vendin dhe në kohën e duhur me instrumentat e duhur që të jep kjo kohë për tu lëshuar në një shfrim marramendës si ky që po dëshmojnë përditë në funksion të çoroditjes së njerëzve me shpifje dhe gënjeshtra duke pasur parasysh se gënjeshtrat janë më të shpejta në lënien mbresë të audienca.
Çfarë ti thuash Monikës? Sami Frashëri po rindërtohet, projekti është i shkëlqyer fal një projekti italian, Kucinela me studion e tij. Puna ka nisur, dokumentat e pronës janë publikuar edhe sot nga kryetari i bashkisë ndërsa Monika shkon e verifikon në Paskuqan. Monika thotë që shërimi nga Covidi duhet ta kërkojmë në kisha dhe xhamia jo te shkenca dhe mjekësia, insiston se LSI nuk e zë virusi.
Shpërthimi i kësaj injorance përmes zërit të këtyre individëve është flamë jashtëzakonisht problematike në kushtet kur në fakt duhet të ballafaqojmë me ide fakte dhe shifra. Ju e keni më të vështirë punën seç e kanë patur paraardhësit tuaj pikërisht se vala dhe intensiteti i shpifjeve dhe akuzave është aq e madhe sa që nuk di çfarë të verifikosh më përpara.
Shkoni me kamerat tuaja në shkollën Sami Frashëri dhe këqyrni në vend se kush thotë të vërtetën dhe kush gënjen, Covidi është diçka shumë serioze për të bërë humor por realisht kur Monika thotë se LSI nuk e zë Covidi është njëlloj mirësie si ato që LSI kryente me patentat. Në këmbim të mirësisë tjetër që ofronte vende pune për infermier që nuk kishin bërë shkollën që nuk dinin të dallonin gozhdën nga gjilpëra, apo kur ofronte dilploma, LSI ka ofruar diploma pa fund për çdo kënd që i bashkohet kësaj force, dmth edhe virusi i druhet LSI kur i afrohet, Lulin nuk e ka kuptuar akoma këtë”, tha Rama.
