Katër persona humbën jetën në sulmet terroriste në Vjenë, gjatë mbrëmjes së të hënës. Mes viktimave ndodhet edhe një prej terroristëve.
Dy meshkuj dhe një femër u vranë nga terroristët, ndërsa 15 persona u plagosën rëndë.
Ministri i brendshëm i Austrisë, Karl Nehammer, e përshkroi autorin si një “terrorist islamik” dhe tha se ai beson se kishte më shumë se një sulmues dhe hetimet po vazhdonin.
Autoritetet nuk ishin në gjendje të konfirmojnë nëse sulmi ishte antisemitik, por thanë se sulmi ishte kryer përfundimisht nga një “person i radikalizuar”. Më parë në konferencën për shtyp, Ministri i Brendshëm Karl Nehammer tha, “ne kemi përjetuar një sulm nga një terrorist islamik”.
Autoritetet paralajmëruan se sulmuesit ishin “shumë të armatosur dhe të rrezikshëm” dhe nxitën publikun të qëndrojë brenda derisa të krijohet ideja e qartë.
15 persona u plagosën dhe u dërguan në spital pas sulmit që filloi pak pas orës 20:00 me kohën lokale. Një nga të plagosurit u raportua se ishte një polic. Shtatë nga të plagosurit ishin në gjendje të rëndë, tha kryetari i bashkisë së Vjenës Michael Ludwig.
https://www.youtube.com/watch?v=70Vitd9kFos&feature=emb_title
Një sulmues u qëllua nga policia jashtë Kishës së Shën Rupertit. Ai mbante një armë automatike, pistoleta dhe municione. Trupi i tij u gjet gjithashtu me një jelek eksplozivi. Më vonë policia tha në Twitter se jeleku me eksplozivë ishte i rremë.
Kancelari austriak, Sebastian Kurz, i përshkroi sulmet si terroriste që ishin planifikuar “shumë profesionalisht”.
Policia ka kontrolluar shtëpinë e sulmuesit. Ata kërkuan nga njerëzit që të mos ndajnë video dhe imazhe në mediat sociale të sulmeve, por thanë se 20,000 video u ishin dhënë atyre.
Policia u ka thënë banorëve që të qëndrojnë larg qendrës së Vjenës.
Sulmi ndodhi natën e fundit para se një bllokim i ri i koronavirusit do të hynte në fuqi në qytet.
Shkollat do të mbyllen në Vjenë të Martën.
Udhëheqësit e BE, SHBA dhe të tjerë botërorë kanë shprehur solidaritetin e tyre me popullin austriak.
