Shkolla Sami Frashëri në Tiranë, e cila u shemb nga Bashkia e Tiranës me pretendimin se ishte dëmtuar nga tërmeti i 26 nëntorit, është kthyer në përplasjen e rradhës mes Kryebashkiakut Erjon Veliaj, Kryetares së LSI, Monika Kryemadhi dhe ish-deputetes Jorida Tabaku.
Pas akuzave të Kryemadhit se Veliaj ka ndryshuar pronësinë e shkollës, Kryebashkiaku ka reaguar me një gjuhë halabaku.
Veliaj ka ironizuar Tabakun dhe Kryemadhin duke deklaruar se “nuk është problem që u çmendën, por u çmendën të dyja njëherësh”.
“Sami Frashëri LIVE. Nuk është problem që u çmendën, por u çmendën të dyja njëherësh. Cytet Mona me Jorin kush do thotë marrëzinë më të madhe, budallëkën më epik, histerinë më ekstreme.
Boll se latë nam – a keni cipe, a skuqeni para fëmijëve, a keni turp, a keni familje?”, shkruan Veliaj krahas videos live nga kantieri te “Sami Frashëri”.
Sami Frasheri LIVE 🔴
Nuk eshte problem qe u cmenden, por u cmenden te dyja njeheresh. Cytet Mona me Jorin kush do thote marrezine me te madhe, budalleken me epik, histerine me ekstreme. 🤦🏻♂️
Boll se late nam – a keni cipe, a skuqeni para femijeve, a keni turp, a keni familje? 👎 https://t.co/aCdJi8uvu4 pic.twitter.com/wWv4GJ8OjD
— Erion Veliaj 🚴♂️🌳⚽️🇦🇱 (@erionveliaj) November 3, 2020
Gjatë ditës së sotme mes palëve pati përplasje të forta lidhur me ndërtimin e shkollës, që sipas opozitës është vetëm në letër, dhe se ka probleme lidhur me truallin e saj.
Në një reagim të fundit, ish-deputetja Tabaku duke iu drejtuar Veliajt shprehet “unë me fakte, ai me ofendime! Derman gënjeshtarit nuk i bëj dot por për interes të publikut një pamje live nga vendi ku dikur ngrihej Samiu”.
“Nuk është hera e parë që gënjen! Samiu është shembulli ideal për të ilustruar mënyrën se si punojnë! Set si një vit pas tërmetit zvarrisin njerëzit, nxënësit sepse duan korrupsionin më shumë se dijen. Aq shumë sa e përdorin dhe në fatkeqësi madje e kanë të parin në rradhë!”, shkruan Tabaku.
