Këngëtarja Fjolla Morina, pas zyrtarizimit të lidhjes me biznesmenin Finsik Syla, nuk ndalet së postuari momentet e ëmbla me partnerin edhe pse ish-bashkëshortja e partnerit të saj e akuzoi se i shkatërroi familjen.
Fjolla ndan me ndjekësit pothuajse gjithë kohës çaste pranë biznesmenit, duke treguar sesa shumë është e dashuruar me të.
“Sytë nuk gënjejnë asnjëherë,”- shkroi ajo krahas një fotoje ku shfaqet me biznesmenin.
Gjithashtu këngëtarja ndau momente me biznesmenin, ndërsa ai e puthte në faqe.
Për të gjithë komentuesit e jetës së saj private, duket se Fjolla Morina ka një mesazh.
Ajo postoi një foto dhe krahas saj një shkrim të Artan Mullajt: “Të dalësh mbi turmën, do të thotë të përballesh me zemërimin e saj! Nëse arrin të kesh nivel, inteligjencë dhe kulturë më të madhe se ajo, duhet të jesh gati sepse turma e tyre do të synojë të të tërheqë mbrapsht në llum dhe kur dështon të të hedhë baltë, dhe kur të baltos, të të shkelë me këmbë. Nëse arrin sukses dhe prek lartësinë, do të kesh kundra teje humicën, një armatë të tërë njerëzish, që shpesh udhëhiqet nga histeria e grave mendjelehta dhe patriotizmi vulgar i burrave injorantë.”
