Komisioneri Shteteror i Zgjedhjeve, Ilirjan Celibashi, ka ngritur grupin e punës lidhur me mundësinë e votimit nga jashtë, për zgjedhjet për Kuvend të datës 25 Prill 2021.
Komisioni Qendror Zgjedhor ka publikuar sot edhe listën emërore të anëtarëve të këtij grupi pune.
Grupi i punës përbëhet nga Ylli Merkaj, Nexhmi Mezani, Ana Tenolli, Mirela Gega, Erion Meta dhe Anduela Ndreu. Ky grup pune do të vlerësojë mundësinë e votimit nga jashtë të shtetasve shqiptarë me të drejtë vote, të përgatisë një procedurë mbi llojin e votimit, manual ose elektronik, si dhe të përgatisë një vlerësim mbi procesin e votimit dhe administrimit të votës.
