Kreu demokrat Lulzim Basha, në një postim në rrjetet sociale, akuzon Kryeminstrin Edi Rama se e ka humbur kontrollin mbi pandeminë, ndërsa apelon për vendime dhe ndihmë për shëndetësinë dhe ekononimë.
Basha shkruan se numri i të sëmurëve nga Covid-19 po rritet përditë, fatalitetet po shtohen dhe kapacitetet shëndetësore po shkojnë drejt kolapsit.
“Rama ka humbur kontrollin mbi pandeminë, megjithëse vala e dytë ishte paralajmëruar. Po të na kishte dëgjuar, Qeveria do kishte marrë masat e duhura.
Në vend të llafeve, sot më shumë se kurrë duhen vendime dhe veprime të shpejta për të rritur testimet dhe fonde për të ndihmuar të sëmurët, shëndetësinë dhe ekonominë. Asgjë nuk është më e çmuar se jeta e njerëzve”, shkruan Basha.
