Dy shqiptarë, të identifikuar si Hektor I. dhe Urim H., 23 dhe 36 vjeç, mund të dënohen me më shumë se 11 vite burg secili. Kjo pretencë është dhënë nga prokuroria gjermane e Dresdenit kundër dy shqiptarëve, të akuzuar për trafikun e 650 kg drogë.
Sipas medieve gjermane, prokuroria ka kërkuar dënim maksimal për dy shqiptarët.
Raportohet se dy të rinjtë nga Shqipëria kishin arritur një marrëveshje për trafikimin e sasisë të madhe të marijuanës nga Spanja drejt Gjermanisë.
Një spanjoll, që solli dërgesën me kamion, do të dënohet me pesë vite. Po ashtu, prokuroria ka kërkuar 6 vite burg për një gjerman, që e mbajti sasinë e drogës në magazinën e tij.
Për të dy rastet e fundit, prokuroria tha se të dyshuarit duhet ta kishin nuhatur erën e drogës.
