Tirana do të luaj sot kundër Shkumbinit për Kupën e Shqipërisë. Takimi do të luhet në kompleksin “Skënder Halili”, duke nisur nga ora 13:30.
Trajneri Emmanuel Egbo do të ketë katër mungesa të rëndësishme në formacion, teksa Çelhaka, Toshevski, Batha e Torassa nuk janë pjesë e grupit.
Jurgen Çelhaka e Toshevski vuajnë dëmtime që i kanë mbajtur jashtë edhe në disa miqësore, teksa Batha e Torassa u dënuan me katër ndeshje pezullim nga Komisioni I Disiplinës. Argumenti ishte për sjellje antisportive në testet miqësore.
Egbo do duhet të mendojë për mesjavën, aty ku për javën e parë të sezonit të ri, Tirana do të presë Kukësin, me ndeshjen që do të luhet në Korçë.
Formacioni i mundshëm i Tiranës:
Tirana (4-2-3-1): Lika, Toli, Vangjeli, Hoxhallari, Ismajlgeci; Gyamfi, Najdovski; Cobbinah, Danso, Halili; Muçi Trajner: Emmanuel Egbo
