Oerd Bylykbashi, ish-deputet i PD, ka reaguar lidhur me rrëzimin nga Parlamenti të dekretit të Presidentit, i cili riktheu ligjin mbi ndryshimet në Kodin Zgjedhor.
Bylykbashi shkruan se këto ndryshime thyejnë marrëveshjen e 5 qershorit, bien ndesh me Kushtetutën dhe parimet e saj që garantojnë zgjedhje të barabarta dhe të ndershme.
Referuar apelit të eurodeputetëve drejtuar Edi Ramës, Bylykbashi shkruan se gjithashtu nuk u prit Opinioni i Komisionit të Venecias lidhur me Kodin e ri Zgjedhor, i cili bie ndesh edhe me standardet e OSBE dhe Këshillit të Europës.
Sipas ish-deputetit, i cili ishte pjesë e Këshillit Politik, ku u hartua edhe marrëveshja e 5 qershorit, këto ndryshime të Kodit shkojnë kundër interesit të shqiptarëve për integrim në Europë.
Postimi nga Oerd Bylykbashi
Pertej, anash apo perfund 5 qershorit?
Ndryshimet e djeshme te njeanshme ne Kodin Zgjedhor nuk shkojne “pertej” marreveshjes se 5 qershorit. Keto ndryshime shkojne:
– kunder Marreveshjes se 5 qershorit 2020 dhe, siç thone eurodeputetet ne shkresen e tyre, “thyejne marreveshjen e 5 qershorit ne germe dhe fryme”;
– kunder Kushtetutes dhe parimeve te saj qe garantojne zgjedhje te barabarta dhe te ndershme;
– poshte standarteve te OSBE-se dhe Keshillit te Evropes;
– kunder kerkeses se BE-se qe te pritet opinioni i Komisionit te Venecias;
Pra shkojne kunder interesit te shqiptareve per integrim ne Europe, si nje vend qeveria e te cilit ne 2021 nuk ben zgjedhje te lira e te ndershme.
Ndaj nuk duhet te habiteni pse rriten taksat, pse taksat tuaja vidhen me koncensione korruptive, pse pasi vidhen taksat tuaja nuk ka me para per te blere tampone per Covid19, per te dhene ndihme ekonomike per bizneset qe po vuajne pasojat e pandemise, apo per te rindertuar shtepite e demtuara nga termeti.
Nje qeveri qe nuk do zgjedhje te lira e te ndershme e ben sepse nuk do te jape llogari. Ndaj duhet shporrur me 25 prill 2021
