Një ngjarje e pakëndshme e ka përcjellë këngëtaren e njohur shqiptare, Era Istrefi, gjatë këtyre ditëve.
Një 45-vjeçar me inicialet B.Sh është paraqitur para saj me pretendimin se është polic, dhe i njëjti person ka përndjekur këngëtaren.
Kjo ngjarje ka ndodhur në mbrëmje, disa ditë më parë,deri në momentin që vetë këngëtarja ka njoftuar policinë.
Ai e ka ndjekur këngëtaren deri në lagjen ku ajo banon në ‘Marigona Rezidence’ dhe më pas në fshatin Peroc.
“Ngjarja ka ndodhur më 23.10.2020 në fshatin Peroc të Graçanicës në orën 21:30. Me 28.10.2020 është arrestuar mashkulli kosovar, pasi që ditë më parë ishte prezantuar si person zyrtar para viktimës femër kosovare. Me vendim të prokurorit, i dyshuari është dërguar në mbajtje”, thuhet në deklaratën e policisë.
Nga ana tjetër, këngëtarja Istrefi nuk është prononcuar në publik për ngjarjen.
