Kryeministri Edi Rama i është përgjigjur 8 eurodeputetëve, të cilët i kërkonin që të tërhiqej nga votimi i ndryshimeve në Kodin Zgjedhor.
Rama tha se ato nuk janë duke votuar një ligj të ri dhe sipas tij ato janë keqinformuar duke shfrytëzuar marrëdhënien ndërpartiake.
“Për çfarë janë të tronditur që ne votojmë një ligj, që e kemi votuar që prej dy javësh. Ne nuk jemi duke votuar një ligj të ri, nuk arrij ta kuptoj këtë, janë të keqinformuar, duke shfrytëzuar marrëdhënien ndërpartiake. Kur të vijë do ta shohim opinionin e Venecias dhe në rast se ka nevojë për diskutime do ti rihapim ato”, tha Rama.
Kuvendi rrëzoi sot dekretin e Presidentit Ilir Meta me 97 vota, ndërsa Kodi i ri Zgjedhor, ku përcaktohet se koalicionet duhet të garojnë me 1 listë emërore, tashmë hyn në fuqi.
