Analisti Dritan Shano përmes një postimi në rrjetet sociale ka ironizuar Kryeministrin Edi Rama dhe Komitetin Teknik anti-Covid lidhur me masat kundër pandemisë.
Shano shkruan se është e qartë që Covid-19, nuk ka mëntë e Komitetit, si asnjë prej 370 trilionë viruseve të tjerë përpara tij.
“Komiteti dhe zëdhënësi i tij, Kryeministri ynë mendojnë se duke i shtrëngur njerëzit të fshihen në shtëpi, duke u kufizuar lëvizjet, duke u vënë mgojza njerëzve që ecin, ndërsa jo atyre që rrinë ulur …, virusi do lodhet, do iki në ndonjë galaktikë tjetër duke na lënë ne, më të zgjutit prej krejtëve, rehat në punën tonë.
Aktualisht, ka një betejë qe po zhvillohet se kush është më loqe Covidi apo Komiteti. Çmimin e kësaj beteje po e paguajmë ne, shumë herë më të lartë sesa do ishte natyrale.
Komiteti është i bindur që për herë të parë në 3000 shekuj do ja fusi virusit, duke i detyruar, kufizuar njerëzit t’i fshihen, a të mbulohen, por çdo ditë e më tepër që shkon nga jeta jonë duke dëgjuar këto habira logjike, duket se Covidit nuk i rruhet për skemën e Komitetit.
Ai rri e pret …”, shkruan Shano.
