Futbolli francez nuk do të ndalet, përtej çdo parashikimi negativ mbi përhapjen e pandemisë së Koronavirusit.
Qeveria franceze ka dalë me një qëndrimin zyrtar, sipas të cilit, edhe nëse do të ketë një mbyllje të re të vendit, kampionatet e futbollit profesionist nuk do të pezullohen.
Roxana Maracineanu, ministrja e Sportit, shpjegoi arsyen e këtij vendimi.
“Javët e ardhshme, nga ana ekonomike, por edhe njerëzore, do të jenë të vështira. Kjo është arsyeja pse ju siguroj që sporti profesionist do të vazhdojë. Atletët do të jenë në gjendje të vazhdojnë stërvitjen”.
Me rastin e bllokimit të parë në pranverë, kampionati francez u pezulluar përfundimisht. Kësaj here qeveria miratoi një zgjidhje diametralisht të kundërt, ndoshta e ndikuar nga mësimet që nxori muaj më parë.
