Cristiano Ronaldo do të mungojë në ndeshjen e sotme mes Juventusit dhe Barcelonës. Portugezi rezultoi sërish pozitiv me Covid-19 dhe në tamponin e djeshëm, duke humbur kështu duelin e shumëpritur me Leo Messin.
Megjithatë, 35-vjeçari ka treguar dhe një herë se ai është në një gjendje shumë të mirë shëndetësore dhe është paksa i inatosur që do të mungojë në duelin e Championsit.
CR7 ka postuar një fotot në “Instagram” para pak minutash, ku nuk ka munguar dhe një përkrahje për shokët e tij të skuadrës. “Ndihem mirë dhe i shëndetshëm. Forza Juve”, shkruan ai përkrah fotos.
Ndërkohë Ronaldo ka bërë dhe një koment më poshtë, duke treguar qëndrimin e tij ndaj situatës së krijuar nga coronavirusi. “PCR (testi për Covid-19) është broçkull e madhe”, komenton portugezi i inatosur.
