Viti i ri akademik do të nisë të hënën, 2 nëntor në të gjitha universitetet e vendit.
Mësimi do të jetë i alternuar ku shumë prej fakulteteve kanë vendosur të zhvillojnë leksionet online dhe seminaret në auditor.
Zhvillimi i mësimit në këtë mënyrë do të kryhet për të shmangur numrin e lartë të studentëve nëpër auditore dhe ambientet e fakulteteve për të parandaluar dhe përhapjen e koronavirusit.
Fakultetet e Juridikut, Ekonomikut, Shkencave Sociale, Universiteti Bujqësor i Tiranës dhe i Mjekësisë do të zhvillojnë mësim të alternuar, ndërsa në Fakultetin e Gjuhëve të Huaja mësimi për vitet e para Bachelor dhe Master do të zhvillojnë mësim në auditor.
Për vitet e dyta dhe të treta në këto dy cikle studimi do të zhvillohen totalisht online.